24news.am։ «Իշխող կուսակցությունը ժամավաճառությամբ չի զբաղվում․ եթե Ամուլսարի հարցով որոշում լիներ, ապա այն գործողությունները, որոնք տեղի են ունենում, չէին լինի»,- նման կարծիք հայտնեց ԱԺ փոխնախագահ Ալեն Սիմոնյանը՝ պատասխանելով հարցին, թե իրենց քննադատներն ասում են՝ որոշումն իրականում վաղուց կայացված է։
«Այսինքն, մենք որոշել ենք, բայց վարչապետը ընկնում է Ջերմուկում տարբեր բնակարաններով ու հանձնարարությու՞ն է տալիս։ Խնդրում եմ իրենց չափանիշներով մեզ չդատել»,-հորդորեց նա։
Դիտարկմանը, թե մեկ այլ քննադատություն էլ կա՝ վարչապետը գնացել էր Ջերմուկ մարդկանց համոզելու, թե հանքի շահագործումն անվնաս է, Ալեն Սիմոնյանը պատասխանեց․ «Դա վարչապետի համոզմունքը չէ, այսօր գոյություն ունեցող տեղեկությունն է, այլ տեղեկություն այս պահին չունենք»։
