ԵՄ-ին Հայաստանի անդամակցելու գործընթացի մեկնարկի մասին օրենքի նախագիծը առաջին ընթերցմամբ ընդունվեց 64 կողմ, 7 դեմ, 0 ձեռնպահ ձայներով:
Ինչպես հայտնել էինք, կողմ է քվեարկել միայն ԱԺ ՔՊ խմբակցությունը:
Հիշեցնենք, որ օրենքի նախագիծը ներկայացվել էր քաղաքացիական նախաձեռնության կողմից։ «Եվրաքվե» քաղաքացիական նախաձեռնությունը ստորագրահավաք էր սկսել Եվրամիությանը Հայաստանի անդամակցության գործընթաց սկսելու նախագիծ ներկայացնելու օրակարգով։ Սահմանված ժամկետում նախաձեռնության անդամները անհրաժեշտ 50 հազար ստորագրության փոխարեն հավաքել էին 60 հազար ստորագրություն, ինչից հետո նախագիծն օրենքով սահմանված կարգով ներկայացվել էր ՀՀ կառավարության քննարկմանը, որի կողմից հաստատվելուց հետո քննարկման էր դրվել խորհրդարանում։
