tert.am: Ալեն Սիմոնյանն այսօր ճեպազրույցում կոչ է արել արցախցիներին՝ ասելով՝ մնայիք, կռվեիք: Այս մասին ԱԺ-ում հայտարարությունների ժամին ասաց «Հայաստան» խմբակցության պատգամավոր Գեղամ Մանուկյանը:
«Ալեն Սիմոնյանին խորհուրդ կտայի բարձրանալ գաղտնի բաժին, այնտեղից ուզել 2023թ-ի սեպտեմբերի 19-20-ի զոհերի ցանկը, որը ՊՆ-ն, զորամաս առ զորամաս, ինձ ուղարկել է՝ գաղտնի գրությամբ: Թող Ալեն Սիմոնյանը տեսնի, որ 150-ից ավելի զինծառայող, կամավոր, աշխարհազորային, մի քանի օր հաց չկերած, պատվով, կենաց մահու մարտ են մղել ու նահատկվել Արցախում»,- ասաց Մանուկյանը:
