factor.am: Ադրբեջանի նախագահի օգնական, նախագահի աշխատակազմի արտաքին քաղաքականության հարցերով վարչության ղեկավար Հիքմեթ Հաջիևը Թեհրանում հանդիպում է ունեցել Իրանի Ազգային անվտանգության բարձրագույն խորհրդի քարտուղար Ալի Աքբար Ահմադիյանի հետ։
Ինչպես հաղորդում է ԱՊԱ-ն, Հաջիևը հայտնել է այս մասին սոցիալական ցանցերում՝ նշելով, որ հանդիպման ընթացքում, որը շարունակությունն էր Բաքվում տեղի ունեցած քննարկումների, կողմերը մտքեր են փոխանակել երկու երկրների միջև քաղաքական, տնտեսական համագործակցության և տարածաշրջանային անվտանգության հարցերի շուրջ։ Հատուկ ուշադրություն է դարձվել «Հյուսիս-Հարավ» տրանսպորտային միջանցքի կարևորությանը։
