factor.am: Եթե 2023 թվականին լրագրողների նկատմամբ ֆիզիկական բռնության 6 դեպք էր արձանագրվել, ապա 2024 թվականին թիվը գրեթե եռակի աճել է՝ հասնելով 15-ի։

Ինչպես նշեց Խոսքի ազատության պաշտպանության կոմիտեի նախագահ Աշոտ Մելիքյանը, առաջին կիսամյակում դեպքեր գրեթե չեն եղել, սակայն հունիսի 12-ի բախման ժամանակ ոստիկանական հատուկ միջոցներից տուժել են նաև լրագրողներ.

«Գրեթե բոլոր տարիներին լրագրողների նկատմամբ ֆիզիկական բռնության դեպքերը փոխկապակցված են եղել հասարակական-քաղաքական կյանքում տեղի ունեցող փոփոխություններով։ Բռնությունների մեծ մասը տեղի է ունենում քաղաքական բախումների կամ ակցիաների լուսաբանման ժամանակ»,- մանրամասնեց Մելիքյանը։