Վրաստանի վարչապետ Իրակլի Կոբախիձեն հունվարի 17-ին կայցելի Ադրբեջան, հաղորդում է վարչապետի մամուլի ծառայությունը։ Այս մասին փոխանցում է 1tve.ge-ն։ 

Այցի ընթացքում Բաքվում տեղի կունենա տնտեսական համագործակցության Վրաստան-Ադրբեջան միջկառավարական հանձնաժողովի նիստը, որը կղեկավարեն երկու երկրների վարչապետները։ Նիստին կմասնակցեն Վրաստանի և Ադրբեջանի կառավարության անդամներ։

Բացի այդ, վարչապետ Կոբախիձեն  հանդիպում կունենա Ադրբեջանի նախագահ Իլհամ Ալիևի հետ։ Հանդիպումից հետո առաջնորդները հանդես կգան մամուլի համար համատեղ հայտարարություններով։