tert.am: Լավրովի ենթադրյալ նամակը Ադրբեջանի ԱԳՆ ղեկավարին Ռուսաստանի օդային տարածքի մասին, որը տարածվում է համացանցում, կոպիտ կեղծիք է։ Ինչպես հաղորդում է ТАСС-ը, այս մասին հայտնում է ՌԴ ԱԳՆ-ն։
«Նամակը, որում ասվում է, որ Ռուսաստանը չի կարող երաշխավորել իր օդային տարածքի անվտանգ օգտագործումը, ցինիկ և կոպիտ կեղծիք է։ Դա քաղաքական պատվեր է», -ասվում է գերատեսչության հրապարակման մեջ։
ՌԴ ԱԳՆ-ն նշել է, որ դա պարզունակ կեղծիք է՝ նախատեսված էմոցիոնալ ռեակցիայի համար։
«Կեղծիքի հեղինակները չեն էլ նեղվել դրան պաշտոնական ատրիբուտներ տալ՝ ուղարկելով այն սովորական փոստային տիրույթից և սովորական էլեկտրոնային հասցեից»,- նշվում է հրապարակման մեջ։
