shantnews.am: ՀՀ ԿԳՄՍ գիտության պետական կոմիտեն պատրաստվում է Հայաստանում գործող գիտական ինստիտուտները բաժանել չորս կատեգորիայի և ըստ այդմ կազմակերպել դրանց ֆինանսավորումը: Չորրորդ կատեգորիայում հայտնված հաստատությունները կլինեն ոչ արդյունավետ աշխատողները, որոնք կմիավորվեն այլ հիմնարկների կամ կլուծարվեն, իսկ երրորդում հայտնվածներին կտրվի երեք տարի ժամանակ, որպեսզի հասնեն առաջին կամ երկրորդ կատեգորիայում հայտնված ինստիտուտներին:
Իրավիճակը ներկայացվել է ԱԺ-ում «Գիտության ֆինանսավորման հիմնախնդիրները» թեմայով քննարկման ժամանակ: Նիստը վարող Հովհաննես Հովհաննիսյանը հետաքրքրվել է, թե որոշ արտադրության ճյուղեր, որոնք ՀՀ-ում ժամանակին եղել են ու այսօր չկան, դրանց զարգացմանը նպաստած ինստիտուտները հնարավո՞ր է` հայտնվեն չորրորդ կատեգորիայում:
Կոմիտեի նախագահ Սամվել Հարությունյանը նշել է, որ այն ինստիտուտների նկատմամբ, որոնք ազգային կարևոր արժեք են ներկայացնում, կլինի այլ մոտեցում:
