news.am: Հայաստանում խստացվում են զորակոչիկների հավաքագրման պահանջները: Այս մասին նոյեմբերի 11-ին լրագրողների հետ զրույցում ասաց ՀՀ պաշտպանության փոխնախարար Գաբրիել Բալայանը:

Նրա խոսքով՝ վերջին մեկ տարում պահանջները մեծացել են, հատկապես զորակոչիկների առողջության եւ ինքնազգացողության մասով: «Այժմ մենք այդ հարցերին ավելի խիստ ենք մոտենում»,- նշեց Բալայանը՝ հավելելով, որ վերջին շրջանում զորակոչիկների թվի աճ է նկատվում:

Հարցին, թե նրանց շրջանում կան արդյոք հոգեբանական խնդիրներ, փոխնախարարը բացասական պատասխանեց: