Վրաստանում ցուցարարները հրաժարվում են հեռանալ խորհրդարանի շենքի դիմացից, որտեղ տեղադրել են վրաններ ու անցկացրել են նախորդ գիշերը:
Վաղ առավոտից ՆԳՆ-ի մեծաթիվ ուժեր հսկում են երկրի խորհրդարանի շենքի բոլոր մուտքերը:
Վրաստանում այսօր նախատեսված է նորընտիր խորհրդարանի առաջին նիստը, ինչը ընդդիմությունը և երկրի նախագահը համարում են հակասահմանադրական:
Երբ խորհրդարանը ստանձնի իր իրավունքներն ու լիազորությունները, ներկայիս կառավարությունը՝ վարչապետի գլխավորությամբ, ինքնաբերաբար հրաժարական կտա։ Նախարարներն ու վարչապետը կգործեն մինչև նոր կաբինետի նշանակումը։
