shantnews.am: Թբիլիսիում երեք մարդ է ձերբակալվել՝ խորհրդարանի շենքի մոտ բողոքի ցույցերի ժամանակ ոստիկանների վրա հարձակվելու և քաղաքի գույքը հրկիզելու մեղադրանքով, հայտնում է Վրաստանի ՆԳՆ-ն։ Մի քանի օրվա ընթացքում վարչական իրավախախտումների մեղադրանքով բերման է ենթարկվել 224 մարդ։

«Երեկ գիշերվա ցուցարարների ապօրինի և բռնի գործողությունների հետևանքով տուժել է ՆԳՆ 21 աշխատակից, վերջին օրերին տեղի ունեցած հանրահավաքների ժամանակ տուժել է 113 ոստիկան, նրանցից ոմանք ստացել են ծանր վնասվածքներ», – հայտնում է ՆԳՆ-ն։