news.am: Ստամբուլում հոկտեմբերի 9–ի երեկոյան  բնակելի շենքերից մեկում պայթյուն է որոտացել։

Թուրքական Sondakıka կայքի փոխանցմամբ՝ Ստամբուլի Քադըքյոյի շրջանի բնակելի շենքերից մեկում գազի հետ կապված խնդրի պատճառով պայթյուն է որոտացել։

Ստամբուլի նահանգապետի խոսքով, պայթյունի հետեւանքով մահացել է 3 քաղաքացի։

Հոկտեմբերի 9–ի կեսօրին էլ Ստամբուլի Պենդիկի շրջանի գործարաններից մեկում հրդեհ է բռնկվել, որն արագ տարածվել է։ Դեպքի վայր մեկնած հրշեջներին հաջողվել է մարել հրդեհի օջախները։