Ռուսաստանը Սյունիքում գլխավոր հյուպատոսություն կբացի։ Այս մասին ասված է ՀՀ-ում ՌԴ դեսպանության հաղորդագրության մեջ։ 

Ըստ հաղորդագրության՝ երեկ Մեղրիում հանդիպում է տեղի ունեցել Կապանում Ռուսաստանի գլխավոր հյուպատոսության բացման խմբի ղեկավարի և Մեղրիի քաղաքապետի միջև։

Հանդիպմանը նշվել է, որ նոր գլխավոր հյուպատոսությունը կնպաստի ռուս-հայկական հարաբերությունների հետագա ամրապնդմանը և տարածաշրջանում իրավիճակի կայունացմանը, ինչպես նաև կնպաստի մշակութային, հումանիտար, առևտրային, տնտեսական և միջտարածաշրջանային համագործակցության ընդլայնմանը։