hetq.am: ԱՄՆ պաշտպանության նախարարությունը հաստատել է Սիրիայում ամերիկյան ռազմաբազայի վրա հարձակման փորձի մասին լուրը։ Նման հայտարարությամբ ճեպազրույցի ժամանակ հանդես է եկել Պենտագոնի ներկայացուցիչ գեներալ Փաթրիք Ռայդերը։
«Ես կարող եմ հաստատել, որ Սիրիայում Ալ-Թանֆի (ռազմաբազա-խմբ.) վրա անօդաչուներով հարձակման փորձ է եղել»,- հայտարարել է նա։
Պենտագոնի ներկայացուցչի խոսքով՝ խոցվել է հարվածային երկու անօդաչու, որևէ զինվորական չի տուժել։
Ռայդերը նաև հայտարարել է, որ ԱՄՆ ֆիքսում է Սիրիայում և Իրաքում իր ռազմաբազաների ու օբյեկտների ուղղությամբ «հրթիռակոծության ծավալների և անօդաչուների հարձակումների քանակի մեծացում»։ «Մենք կանենք ամեն հնարավորը, որպեսզի ապահովենք մեր ուժերի պաշտպանությունը»,- հավելել է Պենտագոնի ներկայացուցիչը։
