Այսօրվանից՝ նոյեմբերի 1-ից, Երևանի հանրային տրանսպորտի ուղեւորավարձի վճարումը պարտադիր պետք է կատարել 100 դրամանոց մետաղադրամի կամ ավտոբուսներում տեղադրված վճարային համակարգով QR կոդի միջոցով։

Ավելի վաղ քաղաքապետարանից հայտնել էին, որ փոփոխության նպատակը հնարավոր ստվերային շրջանառությունը կանխելն է, վարորդներին իրենց հիմնական գործից չշեղելը, ինչպես նաև հունվարի 1-ից սպասվող միասնական տոմսային համակարգին անցում կատարելուն նախապատրաստվելը։