Փարիզի Խաղաղության 6-րդ համաժողովի շրջանակում հնարավորություն ունեցա հակիրճ մտքեր փոխանակել Ֆրանսիայի ԱԳ նախարար Կատրին Կոլոննայի և Փարիզի քաղաքապետ Անն Իդալգոյի հետ։ Այս մասին X-ի իր էջում գրել է ՀՀ արտգործնախարար Արարատ Միրզոյանը:
«Հայաստանի և Ֆրանսիայի միջև համագործակցության ընդլայնված օրակարգը, ինչպես նաև տարածաշրջանային հարցերը մեր մշտական քաղաքական երկխոսության մաս են կազմում»,- նշել է Հայաստանի արտգործնախարարը:
Հիշեցնենք, որ նոյեմբերի 10-ին Փարիզում տեղի է ունեցել «Խաղաղության 6-րդ համաժողովը», որին մասնակցել և ելույթով հանդես է եկել նաև ՀՀ վարչապետ Նիկոլ Փաշինյանը՝ անդրադառնալով Արցախի էթնիկ զտմանը, բռնի տեղահանությանը, «Խաղաղության խաչմերուկ» նախագծին։
