Սաուդյան Արաբիայում ուխտավորների ավտոբուսը Մեքքա տանող ճանապարհին վթարի է ենթարկվել, կա առնվազն 20 զոհ, մոտ 30 տուժած:
Ըստ Arabnews-ի՝ ողբերգական վթարը տեղի է ունեցել ժամը 16:00-ի սահմաններում Ասիր նահանգի Աքաբաթ Շաար քաղաքում։ Ավտոբուսը դուրս է եկել Խամիս Մուշեյթից և շարժվել դեպի Աբհա։
Որոշ տեղեկությունների համաձայն՝ վթարի պատճառ է դարձել ավտոբուսի արգելակային համակարգի անսարքությունը։ Վարորդը կորցրել է կառավարումը, բախվել ցանկապատին, որից հետո ավտոբուսը շրջվել է և բռնկվել։
Տուժածները տեղափոխվել են հիվանդանոց։ Նրանցից շատերն այրվածքներ են ստացել։
Ավտոբուսը ուղեւորվում էր Մեքքա՝ տեղափոխելով ուխտավորների։
