Մարդու իրավունքների պաշտպանի գրասենյակից հայտնում են, որ Պաշտպան Անահիտ Մանասյանի գլխավորությամբ ապրիլի 28-ին անցկացվել է խորհրդակցություն։
Մասնակցել են ՄԻՊ աշխատակիցները։
Պաշտպանին ներկայացվել են ընթացիկ աշխատանքներն ու առաջիկայում նախանշված ծրագրերը։
Անահիտ Մանասյանն ընդգծել է, որ կառույցում մարդու իրավունքների պաշտպանության համար սահմանված նշաձողն ամենօրյա աշխատանքով պետք է էլ ավելի բարձրացվի, և մանդատի շրջանակում աջակցություն ստանա կարիքն ունեցող յուրաքանչյուր քաղաքացի։
Պաշտպանը հանձնարարականներ է տվել և նախանշել ռազմավարական առաջնահերթ ուղղությունները։
