factor.am: Հայաստանում գտնվող Ֆրանսիայի ԱԳ նախարար Կատրին Կոլոննան այսօր Ջերմուկ կատարած այցից հետո թվիթերյան գրառում է կատարել և լուսանկարներ հրապարակել։
«Ջերմուկում՝ ԵՄ դիտորդական առաքելության հետ։ Եվրամիությունն օգնում է թուլացնել լարվածությունը և կառուցել խաղաղության հեռանկարներ։ Ադրբեջանի և Հայաստանի միջև հրադադարը պետք է հարգվի՝ վստահության մթնոլորտ ձևավորելու համար»,- գրել է Կոլոննան։
Հավելենք, որ Ջերմուկ այցի ընթացքում ՀՀ ԶՈւ Գլխավոր շտաբի պետ Էդուարդ Ասրյանը Ֆրանսիայի ԱԳ նախարարին է ներկայացրել Ադրբեջանի ագրեսիայի հետևանքները։
