ՀՀ կրթության, գիտության, մշակույթի և սպորտի նախարարության թիմն ապրիլի 29-ին մաքրել է Առինջի Խաչքարերի դաշտ հուշարձանը։
Այս մասին «Ֆեյսբուք»-ի իր պաշտոնական էջում գրառում է կատարել ՀՀ ԿԳՄՍ նախարար Ժաննա Անդրեասյանը:
«Այստեղ 218 խաչքարեր կան, խաչքարերից մեկը՝ 1266 թվականով թվագրված, ցուցադրվում է Լուվրում։ Նորատուսից հետո երկրորդն է խաչքարերի թվով։ Պահպանվել են նաև հին եկեղեցու և մատուռի ավերակները։ Մեր կողքին այնքան արժեքավոր հուշարձաններ ունենք, որոնց մասին նույնիսկ չգիտենք»,-գրել է նախարարը:
