Հայաստանում ՌԴ դեսպան Սերգեյ Կոպիրկինը Ռիա Նովոստի-ին տված հարցազրույցում հայտարարել է, որ Հայաստանից ռուսական ռազմաբազայի դուրսբերման հարց չկա։
«Ինձ նման ահազանգեր հայտնի չեն։ Ես առաջնորդվում եմ հայկական կողմի պաշտոնական հայտարարություններով, մասնավորապես, որ բազայի դուրսբերման մասին խոսք չկա։ Ռուսական կողմից էլ նման ահազանգեր չեն եղել»,- ասել է դեսպանը՝ պատասխանելով հարցին, թե Գյումրիում ռուսական բազայի փակման և ռուս սահմանապահների դուրսբերման մասին ահազանգեր եղե՞լ են Երեւանից։
