tert.am: Շաբաթ օրը Իրանի Իսլամական Հանրապետության ոստիկանությունը հայտարարել է, որ իշխանությունները տեսախցիկներ են տեղադրում հասարակական վայրերում և փողոցներում՝ բացահայտելու և պատժելու հիջաբ չկրող կանանց: Այս քայլով նրանք նպատակ ունեն զսպել ավանդական հագուստի կանոնները խախտելու դեպքերը: Այս մասին գրել է Reuters գործակալությունը։
«Հայտնաբերվելուց հետո օրինախախտները կստանան «նախազգուշացնող հաղորդագրություն»», ասվում է ոստիկանության հայտարարության մեջ:
Հիշեցնենք, որ Իրանում 2022թ․ սեպտեմբերին հիջաբի կրելու կանոնը խախտելու համար ձերբակալված 22-ամյա Մահսա Ամինին բանտում մահացել էր, ինչից հետո Իրանում սկսվեցին զանգվածային ցույցեր։ Ցույցերի հետ մեկտեղ Իրանում բազմաթիվ կանայք սկսեցին հիջաբ չկրել։
