1lurer.am: Ապրիլի 18-19-ը նախատեսվում է Իսրայելի արտաքին գործերի նախարար Էլի Քոհենի պաշտոնական այցը Ադրբեջան։ Այս մասին հայտնում են իսրայելական լրատվամիջոցները։

Իսրայելի արտգործնախարարը Բաքվում կմասնակցի Ադրբեջան-Իսրայել միջկառավարական հանձնաժողովի նիստին։

Իսրայելական լրատվամիջոցները տեղեկացնում են նաև մայիսին նախագահ Իցհակ Հերցոգի՝ Ադրբեջան սպասվող այցի մասին։

Հիշեցնենք, որ մարտի 29-ին Թել Ավիվում տեղի է ունեցել Ադրբեջանի դեսպանատան բացումը, որին մասնակցել է արտգործնախարար Բայրամովը: