factor.am: Թուրքիայի ԱԳՆ-ն հայտարարություն է տարածել Հայաստանի կողմից Պաղեստինի ճանաչման կապակցությամբ։
«Մենք ողջունում ենք Պաղեստին պետությունը ճանաչելու Հայաստանի որոշումը՝ հետևելով այնպիսի երկրների, ինչպիսիք են Իսպանիան, Իռլանդիան, Նորվեգիան և Սլովենիան։ Ինչպես մենք միշտ ընդգծել ենք` Պաղեստինի ճանաչումը միջազգային իրավունքի, արդարության և խղճի պահանջն է»,- ասվում է հայտարարության մեջ։
Նշվում է, որ Թուրքիան կշարունակի ջանքերը, որպեսզի ավելի շատ երկրներ ճանաչեն Պաղեստինը։
Հիշեցնենք, որ ՀՀ ԱԳՆ-ն այսօր հայտարարել է Պաղեստին պետության ճանաչման մասին։
