azatutyun.am: Ադրբեջանի պաշտպանության փոխնախարարներ Ագիլ Գուրբանովը և Ռամիզ Թաիրովը Վրաստանում հանդիպում են ունեցել իրենց վրաց պաշտոնակից Գիորգի Խաինդրավայի և Վրաստանի պաշտպանության ուժերի հրամանատար Գիորգի Մատիաշվիլիի հետ։
Ադրբեջանական կողմի փոխանցմամբ՝ պաշտոնյաները քննարկել են հարևան երկրների միջև ռազմական համագործակցության ընդլայնմանը վերաբերող հարցեր:
«Քննարկվել են ռազմական, ռազմատեխնիկական և ռազմակրթական ոլորտներում համագործակցության հետագա ընդլայնման հարցեր», – ասվում է Ադրբեջանի պաշտպանության նախարարության հաղորդագրությունում։
