azatutyun.am: Թուրքիայի նախագահ Ռեջեփ Էրդողանը երկրաշարժից տուժած 10 նահանգներում երեք ամիս ժամկետով արտակարգ իրավիճակ է հայտարարել։
«Մենք որոշեցինք արտակարգ իրավիճակ հայտարարել՝ ապահովելու, որ մեր փրկարարական վերականգնման աշխատանքները կարողանան արագ իրականացվել»,- իր հեռուստաելույթում ասել է Էրդողանը։
Հիշեցնենք, որ Թուրքիայում` Սիրիայի սահմանից ոչ հեռու, փետրվարի 6-ի գիշերը 7,8 մագնիտուդ հզորությամբ երկրաշարժ է եղել: Թուրքիայի ու Սիրիայի բազմաթիվ քաղաքներում տեղի են ունեցել ավերվածություններ։ Կան բազմաթիվ զոհեր եւ վիրավորներ։ Գիշերվա ավերիչ երկրաշարժին Թուրքիայում հետևել են բազմաթիվ հետցնցումներ, որոնցից առավել ուժգիններից մեկը՝ 7,7 մագնիտուդով, մյուսը՝ 5,9։
