news.am: Սահմանադրական դատարանի նախկին նախագահ, այժմ ՍԴ դատավոր Հրայր Թովմասյանի գործով այսօրվա՝ սեպտեմբերի 17-ի դատական նիստը տեղափոխվեց չորեքշաբթի՝ առավոտյան 09:00-ին։

Թովմասյանն այսօր պետք է շարունակեր իր պաշտպանական ճառը, սակայն նրա ինքնազգացողությունը վատացավ, նիստն ընդհատվեց։

Նշենք, որ Հրայր Թովմասյանին մեղադրանք է առաջադրվել պաշտոնեական լիազորությունները չարաշահելու համար, որն առաջացրել է ծանր հետևանքներ։ Մեղադրող կողմը պահանջում է 7 տարի ազատազրկում: Թովմասյանը չի ընդունում մեղադրանքը և որակում է այն քաղաքական: