azatutyun.am: Գերմանիայի խորհրդարանն ընդունեց կանցլեր Օլաֆ Շոլցի հրավերը՝ անվստահություն հայտնելու իր և իր կառավարության նկատմամբ՝ ճանապարհ հարթելով փետրվարի 23-ին արտահերթ ընտրությունների համար, հաղորդում է Reuters-ը։
Խորհրդարանի 733 պատգամավորներից միայն 207-ն են վստահություն հայտնել, իսկ 394-ը ձեռնպահ են մնացել։
«Առաջարկությունն ընդունվել է», – ասել է խորհրդարանի նախագահ Բարբել Բասը:
Գերմանական օրենքների համաձայն՝ երկրի նախագահը կարող է 21 օրվա ընթացքում ցրել խորհրդարանը, եթե օրենսդիրները անվստահություն են հայտնում կառավարությանը։
Գերմանիայի խոշորագույն ընդդիմադիր կուսակցության՝ քրիստոնյա- դեմոկրատների առաջնորդ Ֆրիդրիխ Մերցն ավելի վաղ պահանջել էր Բունդեսթագի օրակարգում ընդգրկել Օլաֆ Շոլցի կոալիցիոն կառավարությանը վստահություն հայտնելու հարցը։
