Ադրբեջանական որոշ լրատվամիջոցների կողմից անպարկեշտ և վիրավորական հրապարակումների շարունակականությունից հետո Բաքվում Իրանի դեսպանությունը խիստ բողոքի նոտա է հղել երկրի արտաքին գործերի նախարարությանը։ Այս մասին հայտնում է իրանական լրատվամիջոցները։
«Իրանի դեսպանատունը խնդրել է դադարեցնել այդ գործողությունները և փոխհատուցում պահանջել, զգուշացվել է, որ ԶԼՄ-ների գործողությունները երկու երկրների հետագա հարաբերությունների վրա բացասական և վնասակար հետևանքներ կարող են ունենալ»։
Հիշեցնենք, որ Ադրբեջանի և Իրանի հարաբերությունները վերջին ժամանակներում լարված են։ Իրանի ԱԳՆ խոսնակ Նասեր Քանանին արձագանքել էր Իսրայելի արտգործնախարարի՝ Ադրբեջանի հետ Իրանի դեմ միասնական ճակատ ստեղծելու հայտարարությանը և խստորեն դատապարտել այն։ Ադրբեջանի ԱԳՆ-ն խստորեն դատապարտել էր Իրանի ԱԳՆ խոսնակ հայտարարությունը՝ այն որակելով «հակաադրբեջանական հերթական քայլ»։
Ադրբեջանի ԱԳՆ-ն Իրանին է մեղադրում նաև Միլլի Մեջլիսի պատգամավոր Ֆազիլ Մուստաֆայի դեմ կատարված մահափորձի մեջ։
