Լեռնային Ղարաբաղում զոհված խաղաղապահների ընտանիքները 1 մլն ռուբլու չափով օգնություն կստանան Ռուսաստանի Խաղաղության հիմնադրամից։ Այս մասին տելեգրամյան ալիքում հայտնել է հիմնադրամի վարչության նախագահ Լեոնիդ Սլուցկին:
«Սեպտեմբերի 20-ին մեր զինվորականները գնդակոծվեցին և զոհվեցին։ Մենք պարտավոր ենք աջակցել նրանց ընտանիքներին: Ողբերգությունից անցել է մեկ ամիս, բայց մենք թույլ չենք տա, որ այն մոռացվի։ Խաղաղության հիմնադրամը, իմ անձնական վերահսկողության ներքո, կշարունակի օգնել խաղաղապահների հարազատներին», – գրել է նա։
