armenpress.am: Ոստիկանության պետի տեղակալ Արա Ֆիդանյանը անդրադարձել է լուրերին ու տեսանյութին, ըստ որոնց՝ միջադեպ է տեղի ունեցել Թուրքիայի քաղաքացիների ու Վեդիի բնակիչների միջև:
Ֆիդանյանը տեղեկացրեց, որ տեղի է ունեցել միջադեպ՝ մի խումբ անձանց մասնակցությամբ: «Ոստիկանությունը տեղեկացվել է, որ տեղի է ունենում միջադեպ՝ քաշքշուք կամ վիճաբանություն մի խումբ անձանց միջև, որին արձագանքել է: Ներկայումս իրականացվում են տվյալ անձանց նույնականացման ուղղությամբ համապատասխան աշխատանքներ, արդյունքներն առավել մանրամասն կներկայացնենք»,-ասաց Ֆիդանյանը:
Նա վստահեցրեց, որ բոլոր հանգամանքները կպարզեն և կներկայացնեն:
Ըստ մամուլի հրապարակումների՝ Թուրքիայի քաղաքացիները փորձել են խրախճանք կազմակերպել Վեդիում, սակայն տեղի բնակիչնեչը խոչընդոտել են, ինչից հետո կռիվ է սկսվել ազգությամբ թուրք քաղաքացիների և Վեդիի բնակիչների միջև:
