Պատգամավոր Քրիստինե Վարդանյանը հայտնել էր, որ ԱՄՆ քաղաքացի Արենի Մարկոսյանը չի կարողանում մուտք գործել Հայաստան․ «նա շուրջ 24 ժամ է՝ գտնվում է Զվարթնոց օդանավակայանում, ստիպված գիշերել է այնտեղ»:
«Երեկվանից նրան որևէ բացատրություն չէին տալիս, թե ինչու են իր մուտքն արգելում երկիր: Բազմաթիվ փորձերից, զանգերից հետո, շուրջ 24 ժամ անց րոպեներ առաջ միայն նրա հետ կապ են հաստատել ՄԻՊ գրասենյակից և ասել, որ ինքն ընդգրկված է ՀՀ համար անցանկալի անձանց ցուցակում», – այսօր գրել է «Հայաստան» խմբակցության պատգամավորը:
