ՀՀ ազգային ժողովում անկախ պատգամավոր Հովիկ Աղազարյանը ելույթի ժամանակ նշեց, թե ՀԷՑ-ի շուրջ տեղի ունեցող գործընթացներով փորձ է արվում խորացնել հակառուսական տրամադրությունները, և հայտարարեց. «Ռուսական կողմին կոչ եմ անում չտրվել մեր սադրանքներին»:
Այս հայտարարությունից հետո «Քաղաքացիական պայմանագիր» խմբակցության պատգամավորները տեղից սկսեցին բղավել Աղազարյանի վրա, հնչեցին հայհոյանքներ, ինչից հետո Հովիկ Աղազարյանը շիշը նետեց ՔՊ պատգամավորների ուղղությամբ:
Իրավիճակը փորձում էր հանդարտեցնել նիստը վարող Հակոբ Արշակյանը: Նա Աղազարյանին դահլիճից դուրս հրավիրեց, ՔՊ պատգամավոր Արման Եղոյանին էլ նախազգուշացում հայտարարեց:
Վերջինս իր ելույթի ժամանակ ասաց. «Կիրկորովով ու Սոբչակով չեղավ, Աղազարյանի՞ն եք ուղարկել»:
