Հուլիսի 13-ին Ադրբեջանի պաշտպանության նախարար Զաքիր Հասանովը հանդիպել է պաշտոնական այցով Ադրբեջանում գտնվող Իսրայելի պաշտպանության նախարար Յոավ Գալանտի գլխավորած պատվիրակությանը։ 

Հանդիպմանը ընդգծվել են ռազմավարական հարաբերությունների հետագա ամրապնդման և անվտանգության հարաբերությունների ընդլայնման կարևորությունը։

Հանդիպմանը քննարկվել են ռազմական, ռազմատեխնիկական ոլորտներում Ադրբեջանի և Իսրայելի միջև համագործակցության զարգացման հեռանկարները, ինչպես նաև փոխադարձ հետաքրքրություն ներկայացնող մի շարք հարցեր։