Այսօր Նիկոլ Փաշինյանն այցելել է Տավուշի մարզի սահմանամերձ համայնքներ։ Սահմանամերձ համայնքների բնակիչների հետ հանդիպումից հետո Փաշինյանը կարճ տեսանյութ է հրապարակել, որտեղ նշել է․
«Գալիս է պահ, որ դու պետք է քեզ զոհաբերես հանուն քո հայրենիքի, հանուն քո երկրի: Քո հարգանքն էլ զոհաբերես, անունդ էլ զոհաբերես, երեխեքիդ հոգեկան վիճակն էլ զոհաբերես, ընտանիքիդ հանդարտությունն էլ զոհաբերես, ծնողներիդ բարի հիշատակն էլ զոհաբերես, պապիդ բարի հիշատակն էլ զոհաբերես: Բայց պետք է իմանաս՝ ինչի համար ես դա անում: Ես գիտեմ, թե ինչի համար եմ անում: Ես անում եմ այ, որ այ այս Հայաստանի Հանրապետությունը լինի անկախ պետություն»։
Խոսքի ընթացքում վարչապետը ներկաներին ցույց է տալիս ՀՀ մակետը։
Հիշեցնենք, որ Նիկոլ Փաշինյանը եղել է Ոսկեպար, Կիրանց և Բերքաբեր բնակավայրերում՝ տեղի բնակիչներին ներկայացրել Ադրբեջանի հետ խաղաղության՝ ներառյալ սահմանազատման գործընթացում առկա իրավիճակը։ Պատասխանել է բնակիչներին հետաքրքրող տարբեր հարցերի:
