ՀՀ վարչապետ Նիկոլ Փաշինյանի, ՌԴ և Ադրբեջանի նախագահների` Վլադիմիր Պուտինի և Իլհամ Ալիևի` Սոչիում տեղի ունեցող եռակողմ հանդիպումն ավարտվել է:
Ինչպես հայտնում է ՏԱՍՍ-ը, ՌԴ նախագահը տեղեկացրել է, որ ՀՀ վարչապետի ու Ադրբեջանի նախագահի հետ ԼՂ խնդրի վերաբերյալ հայտարարության շուրջ համաձայնության են եկել:
«Այսօր մենք պայմանավորվեցինք համատեղ հայտարարության շուրջ, պետք է անկեղծորեն ասեմ, որ ամեն ինչ չէ, որ համաձայնեցված էր, որոշ բաներ պետք է հանվեին մասնագետների մակարդակով նախապես մշակված տեքստից», – նշել է ՌԴ ղեկավարը։
«Այնուամենայնիվ, ես համաձայն եմ ընդհանուր գնահատականի հետ, որ հանդիպումը օգտակար էր, և դա պայմաններ է ստեղծում իրավիճակի կարգավորման հետագա քայլերի համար», – ընդգծել է Պուտինը։
Պուտինը նշել է, որ առանձին հանդիպումներ է ունեցել երկու երկների նախագահների հետ և իրենց կարծիքով դրանք օգտակար են եղել։
Ռուսաստանը կանի ամեն ինչ Հայաստանի և Ադրբեջանի միջև վերջնական կարգավորման հասնելու համար, ասել է ՌԴ նախագահը։
Ինչպես պայմանավորվել ենք, մենք կապի մեջ կլինենք, կշարունակենք այս երկխոսությունը և կշարունակենք փնտրել լուծումներ, որոնք անհրաժեշտ են այս երկարատև հակամարտությանը վերջ դնելու համար։ Այսօրվա քննարկումը հուշում է, որ մենք կարող ենք նաև բանակցել մեր բոլոր երկրների ապագայի մասին: Երբ ասում եմ մեր բոլոր երկրները, ես նկատի ունեմ Ռուսաստանը, Ադրբեջանը, Հայաստանը և տարածաշրջանի բոլոր երկրները: Որովհետև բոլոր ժողովուրդները շահագրգռված են կարգավորել հարաբերությունները, որոնք ապրում են դրանում: տարածք»,- ասել է Պուտինը։
