factor.am: Ադրբեջանի նախագահ Իլհամ Ալիևը Բաքվում ընդունել է Թուրքիայի արտգործնախարար Հաքան Ֆիդանին։ Վերջինը Բաքվում մասնակցում է Չմիավորման շարժման կազմակերպության համակարգող բյուրոյի նախարարական հանդիպմանը։
Ադրբեջանական լրատվամիջոցները հայտնում են, որ հանդիպմանը կողմերը քննարկել են նաև տարածաշրջանային հարցեր։
Մասնավորապես, Ալիևը ներկայացրել է Հայաստանի հետ հարաբերությունների կարգավորման գործընթացը՝ ուղղված Հարավային Կովկասում կայուն խաղաղության և անվտանգության ապահովմանը։ Հանդիպմանն ընդգծվել է, որ Ադրբեջանի և Թուրքիայի միջև բարեկամական ու եղբայրական հարաբերությունները հաջողությամբ զարգանում են բոլոր ոլորտներում՝ «մեկ ազգ, երկու պետություն» սկզբունքով։
